၁။ သူတပါး ဘာသာကို မပုတ်ခတ်၊
မဆဲရေးပါနဲ့။ Please
do not curse others.
ယဉ်ကျေးတာဟာ ကောင်းပါတယ်။ ဒါပေမယ့် ယဉ်ကျေးသူဟာ လူမှုရေးမှာ
ကောင်းရုံမျှပဲ ရှိပါသေးတယ်။ ဘာသာတရားဟာ လူမှုရေးထက် ပိုသိမ်မွေ့တဲ့အရာပါ။ ဘာသာတရားဆိုတာ တမလွန်အကြောင်း
စဉ်းစားတော့မှာ၊ မြင့်မြတ်တဲ့ လမ်းကို လျှောက်တော့မှာ ဖြစ်ပါတယ်။
တချို့က ဆဲတတ်တယ်။ ဒါဟာ မယဉ်ကျေးတာ ဖြစ်လို့၊ ဘာသာတရား နဲ့ကတော့
အဝေးကြီးပါ။ တချို့ကတော့ ယဉ်ယဉ်းလေး ဆဲပြန်တယ်။ ဘာဘဲဖြစ်ဖြစ် ဆဲတာဟာ၊ ဆဲတာပါပဲ။
၂။ သူတပါး ကိုးကွယ်တဲ့
ဘုရားကို မပုတ်ခတ်ပါနဲ့။ Please do not say evil things on other god.
လူသဘောက ကိုယ့်မိဘ မကောင်းရင်တောင်၊ မိဘမကောင်းကြောင်း
လာမပြောစေချင်ဘူး။ အဖေ အရက်သမား ဖြစ်ပေမယ့် သားရှေ့မှာ .. `မင်းအဖေ၊ အရက်သမား´ လို့ ပြောရင် စိတ်ကောင်းပါ့မလား?။ လူမှုရေးအရ ရိုင်းသွားမှာပေါ့။
တကယ်တော့ သူဘာသာအယူမှားတာက ကိုယ့်ကို ဘာဒုက္ခမှ မပေးပါဘူး။
ကိုယ့်ဘာသာအယူမှားနေတာက ကိုယ့်အတွက် တကယ့် ပြဿနာပါ။ သူမှားရင် သူတွေ့လိမ့်မယ်။ ကိုယ်မှားတော့ ကိုယ်ကြုံရမှာပါ။
၃။ ကိုယ့်ကိုးကွယ်တဲ့ ဘာသာကို
တကမ္ဘာလုံး လိုက်ကိုးကွယ်ဖို့ မမြော်လင့်ပါနဲ့။ Please do not expect that
the whole world will convert to your religion.
လောကမှာ အလင်းနဲ့ အမှောင်၊ အမှားနဲ့ အမှန် ရှိနေတာပဲ။
ဘာသာတရားတချို့
တိမ်မြုပ် ပျောက်ကွယ်သွားနိုင်ပေမယ့်၊ မကောင်းတဲ့လူတွေကတော့ ကမ္ဘာကုန်သည်အထိ ရှိကောင်း၊
ရှိနေနိုင်ပါတယ်။ လူလောကမှာ ပြဿနာ အရှုပ်ဆုံးက လူတွေပဲ မဟုတ်လား?
၎။ ကိုယ့်ကိုးကွယ်တဲ့ ဘာသာကို
နာမည်ကြီးတဲ့ လူတွေ ( ရုပ်ရှင်မင်းသား၊ မင်းသမီး၊ သူဌေးကြီး၊ အတတ်ပညာရှင်၊ အသိပညာရှင် )
ကိုးကွယ်တာများ အရသာခံ ပြောမနေပါနဲ့။ Please do not say that some peers convert
to your religion.
အဲဒီလူတွေ ကိုးကွယ်လိုက်တာနဲ့ ကိုယ့်ဘုရားက ပိုမှန်၊ ပိုတန်ခိုး
ရှိသွားမလား? အဲဒီလူတွေ မကိုးကွယ်လို့ကော အလကားနေရင်း မှားသွား၊ တန်ခိုးလျော့သွားမလား? ဘာသာတရားကို ကလေးလိုတွေးရင်
အဲဒါမျိုးတွေပြောပြီး ဂုဏ်ယူနေတတ်ပါတယ်။
ဘုရားမပြောနဲ့ လူတောင်၊ သူတပါး ချီးမွှမ်းတာနဲ့ ပိုတော်လာပါ့မလား? ကဲ့ရဲ့လိုကော ညံ့သွားလို့လား? ကဲ့ရဲ့ခြင်း၊ ချီမွမ်းခြင်းဟာ သူတပါးရဲ့
သတ်မှတ်မှုသာ ဖြစ်ပါတယ်။ ကိုယ့်ဘ၀အမှန်မှ မဟုတ်ပဲ။
သူများကိုးကွယ်လို့ လိုက်ကိုးကွယ်ရင်၊ သူများမှားရင် ကိုယ်ပါမှားတော့မှာပေါ့။
၅။ တနိုင်ငံလုံး
ကိုးကွယ်ဖို့လည်း ဖိအားမပေးပါနဲ့။ Please do not force to set a state
religion.
ဦးနုက နိုင်ငံတော် ဘာသာလုပ်ဖို့ အားထုတ်ခဲ့ပါတယ်။ ဒါဟာ
ညစ်ပတ်တာပါ။ ( အဲဒါနဲ့ K.I.A တောခိုသွားရော။ တိုင်းပြည်ငြိမ်းချမ်းချင်ရင်၊ အုပ်ချုပ်သူက စ-
ညစ်ပတ်တာမျိုးမလုပ်သင့်ပါဘူး။ ) စစ်မှန်တဲ့ ဘာသာရေးသမားဟာ သူ့ဘာသာ သူပဲ လိုက်လျှောက်ပါတယ်။ ကျန်တဲ့သူတွေကို ဖိအားမပေးဘူး။
ဖိတာဟာ အဓမ္မ လုပ်ရပ်ပါ။ ဓမ္မမဟုတ်ဘူး။
တိုင်းပြည်က ဘာ..ဘာသာမှ မကိုးကွယ်ဘူး။ လူတဦးချင်းစီက ကိုယ်ကြိုက်တာ ကိုးကွယ်ကြတာ။ တခြားသူတွေအတွက်
လူတယောက်ယောက်က ဆုံးဖြတ်ပေးရတာ မဟုတ်ဘူး။ ကိုယ့်ဘာသာ ဆုံးဖြတ်ပြီး၊ ကိုယ့်ဘာသာ အကျိုးအပြစ် ခံစားကြရတာပါ။
၆။ ဘာသာတရားနဲ့ လူမျိုးရေးကို
ရောမပြစ်နဲ့။ Please
do not mix up religion with your nationality.
ဒါက လူတချို့ မှားတတ်တဲ့ အမှားပါ။ လူမျိုးဆိုတာ မွေးရာပါဗီဇပါ။
ဘာသာတရားကတော့ မွေးဖွါးပြီး ကြီးပြင်းလာရင်း တမလွန်အကြောင်း တွေးရင်းက လိုက်လျှောက်ဖို့ ရွေးချယ်တဲ့
လမ်းကြောင်းပါ။ ဘာမှမဆိုင်တဲ့ အရာပါ။ ဒါကို မသိဘဲ၊
ငါတို့လူမျိုး၊ ငါတို့ဘာသာဆိုပြီး မိရိုးဖလာအစွဲနဲ့ ပြောနေရင်တော့ ဘာသာတရားဆိုတာ ဘာမှန်းမသိတဲ့သူ
ဖြစ်နေမှာပါပဲ။ တကယ်တော့ ဘာသာတရားတခုထဲကိုပဲ မတူတဲ့ လူမျိုး ၂ မျိုး ကိုးကွယ်တဲ့အခါ၊ အဲဒီဘာသာအပေါ်
အလေးထားပုံ၊ အသားပေးပုံ ၊ ကျင့်သုံးပုံတွေ ကွာနေတတ်ပါတယ်။ ကွန်မြူနစ်ကို ကျင့်သုံးခဲ့တဲ့ ရုရှားတွေ
ဒီမိုကရေစီကျင့်သုံးရင် ဒီမိုကရေစီ သဘာဝ ပျက်တော့မှာပဲလို့ တွေးကြောက်သူတွေ ရှိသလိုပေါ့။ စစ်သွေးကြွတတ်တဲ့
လူမျိုးနဲ့ လိမ်တာကောက်တာ အကျင့်ပါတဲ့ လူမျိုး ၂
မျိုး ဘာသာတခုတည်းကို ကိုးကွယ်ရင် အရည်အသွေးတူ ဖြစ်နေဖို့ မလွယ်နိုင်ပါ။ ဘာသာတရားကို စပျစ်ရည်လို့
သဘောထားရင်၊ လူမျိုးဟာ ထည့်တဲ့ ဗူးတို့၊ ခွက်တို့ ဆိုပါဆို့။ ဗူး၊ ခွက်ကွာရင် အရသာ ကွာတော့မှာပါ။
၇။ လူတွေအပေါ် တကယ်မချစ်တတ်၊
စေတနာနဲ့ မကူညီတတ်ပဲ ဘာသာရေးအကြောင်း မပြောပါနဲ့။ Please help others in
need before you talk them on religion.
ဒုက္ခရောက်နေသူတွေကို၊ မကူညီပဲ မျက်နှာလွှဲတတ်သူတွေဟာ ဘာသာတရားနဲ့ အလွန်ဝေးပါတယ်။
လူတွေကို တကယ်စာနာတတ်မှ၊ တကယ်ကူညီတတ်မှ
စေတနာမှန်ပါမယ်။ မဟုတ်ရင်တော့ လူတွေကို ကျွန်ပြုနေချင်တဲ့ စိတ်နဲ့ ဘာသာရေးပြောနေတာပါပဲ။ တပါးသူတယောက် ကိုယ့်ဘာသာထဲဝင်လာတာကြည့်ပြီး
ပီတိဖြစ်နေရင်တော့ ဘာသာရေးကို ဘောလုံးပွဲလို သဘောထားနေတဲ့ ပွဲကြည့်ပရိတ်သတ်ပဲ။ တရား
တကယ်မကျင့်ဘူး။ လူတယောက်ရဲ့ အခုလောလောဆယ်
အခက်အခဲကိုတောင် မကူညီချင်ရင်၊ တမလွန်ရေး စေတနာထားတယ်လို့ မပြောပါနဲ့။ ညာနေပြီ။ အဲဒီလို စိတ်ကောင်း၊ နှလုံးကောင်းနဲ့
ဒုက္ခရောက်သူတွေကို ကူညီတာကို ဘယ်ဘာသာတရားကမှ မတားမြစ်ပါဘူး။ ဒါကြောင့် ဘာသာရေးအကြောင်း သူတပါးကို
ပြောချင်ရင်၊ လူမှုရေးအရင်လုပ်ပါ။ ဒါမှ သဘာဝကျပါတယ်။
No comments:
Post a Comment