" ဒံယေလသည် - - - - ထူးဆန်းသော ဥာဏ်နှင့်ပြည့်စုံ၍ မြို့ဝန်တကာ၊ ဝန်ကြီးတကာတို့ထက် လွန်ကဲသောကြောင့် နိုင်ငံတော် တနိုင်ငံလုံးကို သူ၌အပ်နှင်းမည်ဟု ရှင်ဘုရင်သည် အကြံရှိတော်မူ၏။ " (ဒံယေလ ၆း၃ )
ဒံယေလအတွက် ကိုယ်ခန္ဓာ physical ထက် ဝိညာဉ်ရေး spiritual က ပို အရေးကြီးပါတယ်။ မမြင်ရတာတွေက မြင်ရတာတွေထက် အရေးကြီးပါတယ်။
သခင်ယေရှုက နောက်ဆုံးသောကာလအကြောင်း ပြောတဲ့အခါ လူတွေဟာ ရောင်းဝယ်၊ သောက်စား၊ အိမ်ထောင်ပြုတာတွေလုပ်နေမယ်လို့ ဆိုတယ်။ ရောင်းတာ၊ ဝယ်တာ၊ စားတာ၊ သောက်တာ၊ အိမ်ထောင်ပြုတာတွေဟာ အပြစ်တော့ မဟုတ်ပါဘူး။ ဒါတွေကို အဓိက မထားဖို့ပဲလိုပါတယ်။
ဒံယေလက ဝိညာဉ်ရေးကို ဦးစားပေးတယ်။ အစားအသောက်က ဒုတိယပါ။ ဒါဟာ အိပ်မက်အနက်ဖွင့်တာကို သူတပါးမလုပ်နိုင်ပဲ ဒံယေလလုပ်နိုင်ရခြင်းရဲ့ အဓိကအချက်ပဲ။ ခရစ်ယာန်တယောက်အနေနဲ့ မျက်မြင်ရအရာတွေကို အချိန်အများကြီးပေးပြီး၊ မျက်မြင်မရ အရာတွေအတွက် အချိန်နဲနဲပဲပေးတာ ဝမ်းနည်းစရာပါ။ ဒံယေလအတွက် ခန္ဓာက ဝိညာဉ်ကို မလွှမ်းမိုးဘူး။ ဝိညာဉ်က ခန္ဓာကို လွှမ်းမိုးထားတယ်။ အစားအသောက်စားပြီး ဘုရားသခင်ကို မပြစ်မှားဘူး။ ဘဝကို လေးလေးနက်နက် စဉ်းစားဆင်ခြင်တာ တွေ့ရတယ်။ တာဝန်သိတယ်။ အလိုတော် သိတယ်။ ဒီအချက်တွေနဲ့ အသက်ရှင်တယ်။
ဒံယေလလို ဝိညာဉ်ရေးကို အဓိကထားကြပါစို့။ အသက်ရှင်နေရခြင်းရဲ့ အဓိက အကြောင်းရင်းကို ရှာကြစို့။ အဓိကအချက်နဲ့ လွဲစေမယ့်အရာတွေကို ဘာမှ မလုပ်ပါနဲ့။ ဒီလိုလုပ်ဖို့ရာ ဝိညာဉ်စိတ်အားကြီးဖို့ လိုပါတယ်။
No comments:
Post a Comment